節目重溫: 玩具魂

玩具魂 第四季 第六集~玩具TV2

主持:阿仁丶Bryan
嘉賓:Walkermachine、Vince、白狼、阿嘉、婷婷、Dick Po
主題:玩具TV2 — 今集玩具魂我地繼續請到玩具TV嘅另外幾位主持同我地講下玩具。超時空要塞Macross自82年推出迅速瘋魔一衆動漫迷,而佢嘅世界觀亦都超越當時左當時好多人嘅想像。今集我地就請到Walkermachine,Vince,白狼,阿嘉,婷婷同Dick Po同我地分享下咁多集嘅Macross,仲有相關嘅玩具,星期二錯過左直播嘅朋友請唔好錯過喇~~
下載: 第一節  第二節  

收聽:

收睇:

第一節

第二節

玩具魂 第四季 第五集~玩具TV

主持:阿仁丶Bryan
嘉賓:太歳丶DMS德哥丶阿Cool丶Joku
主題:玩具TV — 以短片或直播發放各種資訊已經係社交媒體上流行,本地一群資深嘅玩具人亦都利用呢個方法以"玩具TV"向一衆玩家發放玩具界嘅最新資訊,而玩具魂亦都係聯同玩具TV作出一次史無前例嘅聯合直播,當晚錯過左直播嘅朋友可以留意今集嘅玩具魂,今集我地有太歲丶DMS德哥丶阿Cool同Joku,唔講咁多喇!去片~~
下載: 第一節  第二節  

收聽:

收睇:

第一節

第二節

玩具魂 第四季 第四集~畫出彩虹

主持:阿仁丶Bryan
嘉賓:Bo Law
主題:畫出彩虹 — 繼上兩集我哋訪問左一位年青嘅雕塑師Ray之後,今集我地就訪問另一位年青嘅朋友Bo Law。Bo自小就喜歡畫畫,係香港藝術學院進修時遇到啟蒙佢嘅導師從而一步一步創出自己嘅風格。唔講唔知,Bo除左參與過一D創作及展覽活動之外,佢嘅作品亦都出現係你同我身邊同埋一D商品之上。想了解多D Bo嘅創作之路?今集節目一定要聽喇~~
下載: 第一節  第二節  

收聽:

收睇:

第一節

第二節

玩具魂 第四季 第三集~玩具店攻略

主持:阿仁丶Bryan
主題:玩具店攻略 — 好多朋友都曾經遇到過一個問題:當佢係一D社交平台又或者一D討論區見到自己心儀嘅玩具產品終於推出市面但係又唔知係邊度買到同埋係自己住果區有無呢D玩具產品賣果陣時可以點呢?今集玩具魂我地就同大家唻一個主要玩具店嘅攻略,當中可能會有D遺漏,希望大家見諒。仲有我地都會講下於尖沙咀舉行嘅玩具傳奇展覽,大家有時間記得去睇下喇~~
下載: 第一節  第二節  

收聽:

收睇:

第一節

第二節

玩具魂 第四季 第二集~天才原型師

主持:阿仁丶Bryan
嘉賓:Ray Wong
主題:天才原型師 — 自小已經非常有雕塑天份嘅Ray係讀書時代已經有朋友賞識同埋係課餘時間賺取外快,從事相關工作十幾年嘅Ray亦曾經同本地多間玩具生產商有合作項目,而Ray亦有嘗試作其他發展,三年前以衆籌形式開拓其他事業並成功創作出一套桌上遊戲並獲得廣泛報道。而本身為501步隊成員嘅佢亦時常參與相關嘅慈善活動。想了解阿Ray多D?記得聽住我地喇~~
下載: 第一節  第二節  

收聽:

收睇:

第一節

第二節

玩具魂 第四季 第一集~3D打印比賽

主持:阿仁丶Bryan
嘉賓:Simon sir丶阿彬
主題:3D打印比賽 — 我地返唻喇~~第四季第一集嘅玩具魂我地就請到Simon sir同埋阿彬上唻同我地講下3D模型嘅製作。 自從幾年前3D printer價格變得大衆化之後開始普及,大家都發掘到3D printer嘅好處並加以利用,學術方面,各中丶小學亦都開始係課餘教授相關嘅技巧。然而咁多年唻都無一個比較大規模嘅比賽,適逢今年青年會獲得贊助並舉辦一個金港肖像模型3D設計比賽讓各界朋友可以一試身手。 今集我地特別請到比賽負責人Simon sir同我地講下比賽詳情同埋相關資料,我地仲請到一位由零開始學習使用3D printer嘅朋友阿彬講下佢嘅學習心得,想了解多D 3D printer嘅應用同埋未來出路梗係要聽實我地啦~~
下載: 第一節  第二節  

收聽:

收睇:

第一節

第二節

玩具魂 第三季 第九十六集~巴士插畫

主持:阿仁丶Bryan
嘉賓:Ivan
主題:巴士插畫 — 自小喜愛畫畫嘅Ivan長大後仍然不忘將開心融入佢嘅創作之中,Ivan嘅作品之中主要題材唻自交通工具,其實亦都同佢嘅喜好有關-Tomica。今集玩具魂我地會同Ivan講下佢嘅插畫丶創作丶興趣同埋佢嘅玩具收藏。今集玩具魂將會係第三季嘅最後一集,休息幾個星期後我地會係2月27號送上第四季嘅玩具魂,玩具魂恭祝大家財源廣進丶身體健康~~
下載: 第一節  第二節  

收聽:

收睇:

第一節

第二節

玩具魂 第三季 第九十五集~Johnson Johndog

主持:阿仁丶Bryan
嘉賓:Johnson
主題:Johnson Johndog — 臨摹別人嘅作品唔代表真正懂得書法或者繪畫,係卡拉ok唱別人的歌唔代表你係一個歌手,無紮實嘅根基同埋個人風格你永遠只係識抄襲人哋嘅作品。剛卸任香港插畫師協會會長嘅Johnson自少就喜愛畫畫並且修讀相關嘅課程,曾經從事廣告業嘅Johnson年少時亦都係多間知名出版社及公司工作過並且練得一身紮實嘅根基。個人作品強狗Johndog亦都顯露出個人嘅風格,今年Johnson會嘗試以搪膠型式推出佢嘅新作,同Johnson傾計其實好似坐時光機返到八、九十年代香港各行各業最盛放嘅年代一樣,令人充滿回憶,今集就同我地一齊坐上呢架回到美好嘅時光機~~
下載: 第一節  第二節  

收聽:

收睇:

第一節

第二節

玩具魂 第三季 第九十四集~機動世界

主持:Bryan
嘉賓:嘉賓主持:Joku 嘉賓:黎先生
主題:機動世界 — 近年網上媒體嘅興起除左令到一D朋友改變左佢地嘅閲讀習慣,亦因此令到一D傳統嘅印刷媒體受到一定程度嘅衝擊,創刋多年嘅機動世界亦因此成為碩果僅存嘅本地模型及玩具書刋,今集玩具魂我地就請到機動世界老總黎先生同我地講下咁多年唻因環境而影響到嘅雜誌銷量起落同埋傳統印刷雜誌嘅興衰。黎先生會同我地分享下佢嘅個人喜好,分析Bandai 現今嘅優勢、產品發展趨勢、策略以及如何係2014年靠星戰授權扭轉模型鎖量劣勢。仲會同我地講下雜誌未來發展嘅路綫,咁豐富嘅內容點能夠錯過呢?~~
下載: 第一節  第二節  

收聽:

收睇:

第一節

第二節

玩具魂第三季第九十三集~回顧·盜版·星戰

主持:阿仁丶Bryan
嘉賓:Joku
主題:回顧·盜版·星戰 — 新嘅一年又開始喇,舊年雖然經濟唔係咁好,但仍然有好多新嘅公司成立同埋好多新嘅產品面世而且得到好評並且銷情不錯,今集節目我地就聯同Joku兄同我地講下舊年有乜嘢好嘅產品推出過並講下自己嘅心水選擇。有Joku兄係度當然唔小得講下星球大戰外傳俠盜一號嘅嘢啦,請注意:內容有劇透呀....(今集節目只有音頻播放,想睇我地嘅靚仔樣要等下一集喇,哈哈~~)
下載: 第一節  第二節  

收聽: